我地之前係香港學聯事先買左張 Swiss
Half Fare Card 半價証
落飛機第一時間去火車站櫃台activate
張pass就可以用，順手買埋去 Bern的車票
買車票的時侯記得問埋職員print
out張時間表出黎
有月台號碼，開車時間、到達時間，要轉車的月台及時間等等，方便好多
落到火車，兩個傻人傻下傻下搵錯巴士站，停左係度周圍搵路
有個伯伯好好人，主動問我地洗唔洗幫手，又好詳細講解比我地知個位置
（原來一出車站就係….）
今次大部份住的地方都係Airbnb度book的，我地的經驗都好好，無伏
一入門就有靚女姐姐迎接，之後就見到Peter！瑞士人都好nice，主動介紹附近的景點
好可惜，姐姐話比我知個熊公園維修….熊搬走左，嗚嗚
Peter仲比左一張任搭巴士的pass我地，出入佢屋企仲方便
間房真係好唔錯，同網上的相出入唔大，地方又乾淨
Peter提供Bed
& Breakfast，所以一早可以自己去廚房拎早餐食
瑞士的物價真係好高，所以個早餐真係好重要！
仲有麵包、粟米片、生果、仲要有埋咖啡機！真係好感恩
有咁的質數，我比100分！
放底左行李，就慢遊下伯恩
可能係星期日的關係，條街都幾靜下，無咩舖頭開門，大多數都係遊客
聯邦議會大廳
瑞士伯伯好鍾意捉棋，係公園或休息的地方都會搵到大棋盤！
好神奇，咁多隻棋，可以一隻不漏，仲保存得好好
好多人圍觀嫁！大家仲有傾有講，開開心心消磨左個下午
（其實我覺得有d似哈利波特的場景，伯伯變得好可愛）
之後就慢慢行返去Peter屋企，其實Peter附近就係熊公園，附近的景仲好靚！
無真熊睇，唯有睇下木雕熊熊，一樣咁得意
慢慢行返上去，沿途可以睇到Aare河，山坡上仲有羊羊食草
好多人坐係沿途的長櫈上睇書、睇景，我都坐左係度睇左成半個鐘
羊邊食草，會令到頸上的噹噹不停響，好可愛！
沒有留言:
發佈留言
留個言吧~~~~~