難得黎到瑞士，山又點會嫌行得多呢
講真，黎瑞士12日，真係有大半時間去左行山
望著雪山建行，真係覺得自己好幸福呀！
唔行對唔著自己呀！
是日建行路線： Alpiglen -> Grindelwald
所需時間：大約2小時
推介程度： ＊＊＊＊（5*為滿）
同尋日出發的地點一樣，係 Alpiglen車站落車( 記得襟鐘！）
尋日向上走，今日向下走，完全相反的方向
今日天氣比起尋日好，大半個藍天出左黎
尋日的怕羞仔伸左個頭出黎XD
唔知係天氣好左定點，覺得今日的路線比較好行
上Kleine Scheidegg的路比較多雪山景
落Grindelwald的路就比較童話feel
兩旁都有聖誕樹，彎彎曲曲的路好似童話故事先會出現
仲比我見到佢－土撥鼠
超級怕羞，一見到人就一支箭唔知去左邊！
唔知日日住係少女峰的人望著眼前的境色，會點諗
我估煩惱真係會少d
一打開門
“嘩.....又係美好的一天”
沿路都見到小屋，仲會有牛牛通山走
好似走左入一本童話書
我地兩個性格好唔同，鍾意影的野都好唔一樣
我鍾意影花影動物，佢就鍾意影山景
自問影相唔叻，唯有姿勢搭夠！
為左一張花相，可以去到幾盡
有姿勢，都有小小實際（自我感覺良好）
行行下就開始見到Grindelwald
我估女巫係住係裹面的！
比花圍著的感覺非常好！
由於一直都係落山的路
落山會行得快d急d，快到差唔多跑落山咁濟
跑到樂極生悲
首先，我要多謝以下班牛牛
就因為想拎部手機出黎影下牛牛，先知自己個電話早就唔係袋
仲唔立即9秒9衝返上去條大斜路搵咩！
最後，happy ending，搵得返XD (多謝牛牛）
係高處影返落去Grindelwald真係幾靚
喜歡可以支持一下我們的fans page :)
沒有留言:
發佈留言
留個言吧~~~~~