雖然天氣仲係好一般，長期烏雲，仲有一陣陣的雨
落雨令本身的plan有點打亂，所以決定買3日的Jungfrau VIP-Pass
就算落雨都可以立即上車走人
3日的Pass加一程來回少女峰的車票，多謝你CHF185 (即大約HKD1,500)
來回少女峰觀景台車票CHF197.6，半價左都CHF98.8
所以多一倍價錢可以任搭，其實抵玩，plan仲可以更flexible
是日健行路線：Alpiglen -> Kleine Scheidegg
所需時間：大約2小時
推介程度：＊＊＊＊＊（5＊滿）
首先由Wengen搭車上Kleine Scheidegg
果程車，望出窗，真係有d淆
今次黎瑞士我只係帶左件簿羽絨同件簿風褸
umum.....頂得著瓜
之後再由Kleine Scheidegg搭車落Alpiglen
如果想係Alpiglen落車，記得要襟鐘，如果唔係會飛站
因為果個唔係大站，無咩人會係個站上落
行山的路已經係開發得好完善的行山路，所以好好行
開始果段路有幾間木屋
佢地會將砍好的柴好整齊咁放係木屋的出面
不過無咩動靜，唔似有人住
沿途的景都好唔錯，我相信好天會更靚
見到棵特別的樹，有個牌介紹佢的，不過睇唔明，哈
之後就開始落大雨，大雨落落下變大雪！
大大粒雪打落塊面度，一面都係
不過都好過落雨，遮都唔洗用
行行下就見到Kleine Scheidegg的車站
好在落多10分鐘度就停左，個境清左，影相一流！
望落好似聖誕卡
我地係e個位置停留左大約成半個鐘
因為比我地穩穩約約見到 Eiger同Monch峰！好雄偉！
為左等霧慢慢散開，所以乖乖周圍影下相等下
雖然唔係完全清曬，但有霧包圍著，氣勢仲強！
抬頭望上去，我地除左"WOW"就無其他對白
我明白，佢地都係怕羞，哈哈
企係高位影返落Grindelwald
細細間好似Lego屋仔
整體條路唔算難行，雖然天氣唔算好好
但我地仍然推介依條路線！
望上面就有雄偉雪山睇，望下面有瑞士小鎮靚景
"行多兩步到車站，搭返邊個小鎮都好方便
"行多兩步到車站，搭返邊個小鎮都好方便
沒有留言:
發佈留言
留個言吧~~~~~